Sintomas ng

Katamtamang Sintomas: Pananakit ng ulo, pagkahilo, pagsusuka, pamumutla, pagbilis ng tibok ng puso, pagpapawis ng malamig.
Malalang Sintomas: Kumbulsyon, matagalang pagkawala ng malay o pagkamatay.

Mga Taong nasa Peligro

Matatanda, pasyenteng may pabalik balik na mga sakit, mga taong nagtatrabaho sa labas.

Mga Hakbang sa Paghadlang

Pananamit:
Magsuot ng maluwag, maliliwanag na kulay at gawa sa bulak na mga damit.

Mga inumin:
Kung kaya sa iyong katawan, uminom ng maraming tubig. Uminom ng hindi bababa sa walong baso (250ml bawat isa) ng tubig araw araw kahit na hindi ka pinagpapawisan ng madalas. Uminom kada dalawang oras pag nasa loob at kada kalahating oras kung nasa labas. Tandaan na umiwas sa pag inum ng alak at ibang inuming nakakasigla.

Bahay:
Panatilihin ang magandang bentilasyon sa loob na may sariwang hangin.

Pagbyahe:
Bago lumabas, alamin ang ulat panahon. Kung sakaling ang ulat ay Nagbabala ng Sobrang Mainit na Panahon, huwag magbilad sa araw at huwag mag ehersisyo ng sobra. Magdala ng iyong payong, mga inumin at magsuot ng sombrerong may malapad na tabing kung lalabas. Magpahid ng sunscreen lotion kada dalawang oras para protektahan ang iyong balat.

Pagkalinga sa Taong na Heat Stroke

1.	Kaagad Ilipat ang pasyente sa isang lugar na masisilungan. Paandarin ang bentilador o air-conditioner para lumamig.
2.	Gumamit ng basang tuwalya upang punasan ang katawan para pababain ang temperatura nito.
3.	Kung ang matandang pasyente ay may malay, bigyan ng maraming malamig na inumin upang mapalitan ang nawalang tubig sa katawan.
4.	Kung ang pasyente ay walang malay o hindi kaya ay nahihilo, dalhin kaagad sa ospital hangga’t maaari.