فالج

فالج دماغ میں خون کی نالی کی بندش یا رساؤ کے باعث ہوا کرتا ہے، جو کہ ناکافی آکسیجن اور غذائیت کی فراہمی کا باعث بنتا ہے اور اس کا نتیجہ دماغی خلیوں کی خرابی یا تباہی ہے۔ یہ مخصوص دماغی فعال جیسا کہ اعضائی حرکات اور گفتار پر اثرانداز ہوتا ہے۔ کچھ مریض اپنی نگہداشت کی اہلیت میں مزید کمی کا سامنا کر سکتے ہیں۔

فالج کی دو بنیادی اقسام ہوا کرتی ہیں:

اسکیمک فالج: یہ دماغی خلیے کی جانب خون کی گردش کی تحدید یا اچانک کمی کے باعث واقع ہوتی ہے اور یہ نسبتاً عام ہے، یعنی کہ ٪80 سے زائد فالج اس قسم سے تعلق رکھتے ہیں۔ دیگر پس منظری وجوہات میں سیریبرل آرٹریز میں اتھیروسیلروسس، اور جسم کے دیگر حصوں بالخصوص دل سے خون کے لوتھڑوں کا بننا جو کہ دماغ کی طرف کم اصراف کا باعث بنتا ہے۔

ہیموریجک فالج: بیماریوں جیسا کہ بلند فشارِ خون یا کونجینیٹل سیریبرل ویسکولر بیماری کے نتیجے میں دماغ کی خون کی نالی پھٹ جاتی ہے۔

فالج کی علامات

اکثر افراد میں، فالج سے قبل کوئی علامت ظاہر نہیں ہوتی ہے۔ فالج کی ظاہری شکل کا انحصار خون کی نالی کے مقام کے ساتھ ساتھ نقصان کے درجے پر منحصر ہوتا ہے۔ جب درج ذیل علامات ظاہر ہوں تو، مریضوں کو فوری طور پر ایکسیڈنٹ اینڈ ایمرجنسی ڈیپارٹمنٹ پہنچنا چاہیے تاکہ فالج کی پیچیدگیوں کو کم از کم درجے تک رکھا جا سکے:

سُن ہونے کی کیفیت مثلاً چہرے پر، کسی عضو یا کسی عضو یا بدن کے کسی حصہ میں	1.
اعضائی اور بدنی کمزوری، عام طور پر جو جسم کے ایک طرف ہو	2.
توازن کا اچانک چلے جانا	3.
غیر واضح گفتگو، تھوک گرنا، نگلنے میں دشواری، منہ کا ٹیڑھا پن	4.
بصری فیلڈ کی تحدید، نظر کی دھندلاہٹ، دہری بصارت	5.
غنودگی، کوما	6.
دیگر: مثلاً اچانک مسلسل شدید سر درد، مسلسل چکر آنا	7.

ٹرانزینٹ اسکیمک اٹیک (ٹی آئی اے) فوکل برین، ریڑھ کی ہڈی، یا ریٹینل اسکیمیا کے باعث ہونے والے نیورولاجک ڈس فنکشن کا ایک عارضی واقعہ ہے، جس میں شدید انفعام نہیں ہوتا ہے، جو کہ عموماً 24 گھنٹوں سے کم وقت کے لیے قائم رہتا ہے۔ ایک مریض کو ٹی آئی اے ایک بار یا زائد مرتبہ ہو سکتا ہے اور یہ ایک اشارہ ہو سکتا ہے کہ اصل فالج کا حملہ قریب آ رہا ہے۔ کسی بھی وقوعے کی صورت میں، تنبیہی اشارات کے بعد فوری طور پر ڈاکٹر سے مشورہ کرنا چاہیے۔

فالج سے بچاؤ

سال 2018 میں، فالج ہانگ کانگ میں سرطان، نمونیا اور دل کے مرض کے بعد چوتھی جان لیوا بیماری تھی۔ عمر رسیدہ افراد میں یہ وقوعہ ہونے کا امکان زیادہ ہے، جس کی بڑی وجہ خون کی نالیوں کے اتھیروسکلیروسس ہے۔ مطالعات نے دکھایا ہے کہ فالج کے پُرخطر عوامل کو کم کرنے سے، اس کی لپیٹ میں آنے کا امکان بھی کم ہو سکتا ہے۔

تمباکو نوشی ترک کریں۔	1.
باقاعدگی سے ورزش کریں۔ کم شدت کی آکسیجن خور جسمانی مشقیں کم از کم 10 منٹوں تک کریں، جیسا کہ جاگنگ، واکنگ، تائی چی کی مشق، تیراکی۔، تاکہ کُل ملا کر 150 منٹ یا 75 منٹ کی شدید آکسیجن خور جسمانی ورزش کے ہفتہ وار ہدف تک پہنچا جا سکے (اگر آپ کو کارڈیوویسکولر بیماری کے حوالے سے پُرخطر عوامل درپیش ہوں تو، براہ مہربانی ورزش سے قبل طبی مشورہ حاصل کریں۔)	2.
دباؤ پر قابو پائیں اور مثبت رہیں۔	3.
متوازن غذائی منصوبہ پر چلیں۔ زائد سیچوریٹڈ فیٹ، زائد ٹرانس فیٹ، زائد کولیسٹرول اور زائد نمک پر مشتمل کھانوں والی غذا سے پرہیز کریں۔	4.
شراب نوشی سے بچیں۔	5.
شدید فشارِ خون، ذیابیطس شکری، دل کی بیماری یا فالج کی ماضی کی ہسٹری رکھنے والے مریضوں کو باقاعدگی سے طبی معائنے کروانے چاہئیں تاکہ وہ اپنے خون کے دباؤ اور خون میں شکر کی سطح پر قابو پا سکیں۔	6.
فالج کی ہسٹری رکھنے والے یا اسکیمک دل کی بیماری کے حامل مریض جن کو احتیاطی طور پر دوا لینا ہوتی ہے انہیں باقاعدگی سے طبی معائنے کروانے چاہئیں اور معالجے کی دوا لینے پر عمل پیرا رہنا چاہیے۔	7.

فالج کی نگہداشتی دیکھ بھال کے مقاصد:

مریض کے معیارِ زندگی کو بہتر بنائیں: جس میں جسمانی اور نفسیاتی پہلوؤں دونوں پر زور دیں۔	1.
مریض کی از خود نگہداشت کی اہلیت بڑھائیں: عام روزمرہ سرگرمیوں کو بحال کرنے کے لیے مناسب مہارتیں سیکھیں اور انحصاریت کو کم از کم کریں۔ یہ افعال میں تنزلی کے عمل کو کم کر سکتا ہے اور یہ نگہداشت کرنے والے کے بوجھ کو کم کر سکتا ہے۔	2.
اعضائی اور بدنی افعال کو رواں دواں رکھیں تاکہ بستر کے چھالے، چھاتی کے انفیکشن، ایسپیریشن اور کندھے کے مسائل سے بچا جا سکے۔	3.

فالج ایک ناقابل برداشت کیفیت ہو سکتی ہے۔ تاہم، مناسب معالجے اور قوتِ ارادی کے ساتھ، کئی مریض اپنے کارآمدہ عضو کو پھر سے قابل استعمال بنا سکتے ہیں۔ مریضوں اور نگہداشت کرنے والوں کی حوصلہ افزائی کی جاتی ہے کہ وہ مناسب مشورے کے لیے پروفیشنلز سے مدد طلب کرے۔